महाराष्ट्र विधानसभा निवडणुकीच्या तारखा जाहीर, जाणून घ्या कधी होणार मतदान

मुंबई : Maharashtra Election Schedule महाराष्ट्र निवडणूक वेळापत्रक: महाराष्ट्र विधानसभा निवडणुकीसाठी 20 नोव्हेंबरला मतदान होणार असून निवडणुकीचा निकाल 23 नोव्हेंबरला जाहीर होणार आहे. केंद्रीय निवडणूक आयोगाने (ECI) नवी दिल्ली येथे महाराष्ट्र आणि झारखंड विधानसभा निवडणुकांचे वेळापत्रक जाहीर केले. महाराष्ट्रातील विधानसभेच्या सर्व 288 जागांसाठी एकाच वेळी मतदान होणार आहे. मुंबईत निष्पक्ष मतदान व्हावे यासाठी आणि मतदारांच्या तक्रारीनंतर मतदान केंद्रे आणि सुविधांमध्ये सुधारणा करण्यात आल्याचे निवडणूक आयोगाने म्हटले आहे. ज्येष्ठ मतदारांना घरबसल्या मतदान करण्याची सुविधा असेल, असे निवडणूक आयोगाने म्हटले आहे. मतदान केंद्राचे कमाल अंतर दोन किलोमीटरपेक्षा जास्त नसेल, असे केंद्रीय निवडणूक आयोगाने म्हटले आहे.

महाराष्ट्र आणि झारखंडमध्ये होणाऱ्या विधानसभा निवडणुकीतील मतदारांची संख्या निवडणूक आयोगाने जाहीर केली आहे. महाराष्ट्रात ९.६३ कोटी मतदार मतदान करतील, तर झारखंडमधील मतदारांची संख्या २.६ कोटी आहे.

असा असेल निवडणूक कार्यक्रम

• मतदानाची अधिसूचना –  गुरुवार, २२ ऑक्टोंबर २०२४
• उमेदवारी अर्ज भरण्याची तारीख –  गुरुवार, २९ ऑक्टोंबर २०२४
• उमेदारी अर्ज छाननी तारीख – शुक्रवार, ३० ऑक्टोंबर २०२४ 
• उमेदवारी अर्ज मागे घेण्याची तारीख –सोमवार,  ४ नोव्हेंबर २०२४ 
• मतदानाची तारीख – बुधवार, २० नोव्हेंबर २०२४ 
• मतमोजणीची तारीख – शनिवार, २३ नोव्हेंबर २०२४ 
• मतदान प्रक्रिया समाप्ती – सोमवार, २५ नोव्हेंबर २०२४

महाराष्ट्रात गेल्या विधानसभा निवडणुकीत भारतीय जनता पक्ष सर्वात मोठा पक्ष म्हणून पुढे आला होता. भाजपला 105 जागा मिळाल्या होत्या. तर काँग्रेस पक्षाला 44 जागा मिळाल्या होत्या. शिवसेनेने 56 तर राष्ट्रवादीने 54 जागा जिंकल्या होत्या. 13 जागांवर अपक्ष उमेदवार विजयी झाले होते. एका जागेवर इतर उमेदवारांना यश आले. 

महाराष्ट्र विधानसभा निवडणुकीत भाजपशिवाय एनडीएमध्ये एकनाथ शिंदे यांची शिवसेना आणि अजित पवार यांच्या राष्ट्रवादी काँग्रेसचा समावेश आहे. तिन्ही पक्षांनी मिळून लोकसभा निवडणूक लढवली होती. मात्र, त्या निवडणुकीत एनडीएला अपेक्षित यश मिळाले नाही. अजित पवार यांच्या पक्षाची कामगिरी अत्यंत खराब होती. 

महाराष्ट्र विकास आघाडीबद्दल बोलायचे झाले तर 288 सदस्यीय विधानसभेत काँग्रेस आणि शिवसेना (उद्धव) समसमान जागांवर निवडणूक लढवू शकतात. ज्याचा आकडा 100-100 असू शकतो. तसेच राष्ट्रवादीला 84 जागा मिळू शकतात. छोट्या पक्षांसाठी 4 जागा सोडल्या जाऊ शकतात. परस्पर सहमतीने काही जागांवर फेरबदल होण्याचीही शक्यता आहे. तथापि, संख्यांबाबत जवळपास एकमत आहे.